Ahmet Dursun
22 کانوونی یەکەم 2022•نوێکردنەوە: 22 کانوونی یەکەم 2022
ئەنقەرە – AA
لە ئۆپەراسیۆنێکدا بۆسەر تۆمەتبارانی پەلامارە چەکدارییەکەی مانگی رابردوو کە لە پارێزگای خوزستان باشووری رۆژئاوای ئێران ئەنجامدرا و گیانلەدەستدانی حەوت کەسی لێ کەوتەوە، دوو کەس کوژران و دووی دیکەیش دەستگیرکران.
ئاژانسی هەواڵیی فەرمیی ئێران بڵاوی کردەوە، ئەو دوو کەسەی لە ئۆپەراسیۆنی سوپای پاسداران و وەزارەتی هەواڵگریدا کوژراون ئەنجامدەری پەلامارە چەکدارییەکەی شاری ئیزە سەربە پارێزگای خوزستان کە لە ١٦ی تشرینی دووەمدا ئەنجام درا.
ئاماژە بەوە دراوە کە لە ئۆپەراسیۆنەکەدا، دوو کەسیش دەستگیر کراون کە پەیوەندییان بە پەلامارەکەوە هەبووە.
