خاوی برێنت به‌ ٤٥،٠٥ دۆلار مامه‌ڵه‌ی پێوه‌ كرا

ئه‌نقه‌ره‌ - AA

یه‌ك به‌رمیل خاوی برێنت له‌ بازاڕه‌ نێوده‌وڵه‌تییه‌كاندا به‌ ٤٥ دۆلار و ٠٥ سه‌نت مامه‌ڵه‌ی پێوه‌ كرا.

دوێنێ نرخی یه‌ك به‌رمیل خاوی برێنت گه‌یشته‌ ٤٤ دۆلار و ٧٦ سه‌نت و به‌ ٤٥ دۆلار و ٠٦ سه‌نت رۆژه‌كه‌ی ته‌واو كرد. ئه‌مڕۆش له‌ كاتژمێر ٠٩:١٤دا به‌ به‌راورد به‌ كاتی داخستن به‌ رێژه‌ی له‌ سه‌دا ٠،٩ نزمبوونه‌وه‌ی به‌خۆیه‌وه‌ دیت و به‌ ٤٥ دۆلار و ٠٥ سه‌نت مامه‌ڵه‌ی پێوه‌ كرا.

هه‌ر له‌و كاته‌دا یه‌ك به‌رمیل نه‌وتی خاوی جۆری رۆژئاوای تێكساس به‌ ٤٢ دۆلار و ٥٦ سه‌نت فرۆشرا.

به‌پێی مه‌زه‌نده‌كانی ئه‌نیستیتۆی نه‌وتی ئه‌مریكی نه‌وتی خاوی بازرگانیی ئه‌مریكی له‌ عه‌مباره‌كان بۆ نزیكه‌ی چوار ملیۆن و ٣٠٠ هه‌زار به‌رمیل كه‌م كرده‌وه‌. له‌ كاتێكدا چاوه‌ڕوانی له‌ بازاڕه‌كان ئه‌وه‌ بوو كه‌ نه‌وتی عه‌مباره‌كان دوو ملیۆن و ٧٠٠ هه‌زار به‌رمیل كه‌م بكرێته‌وه‌.

كه‌مكردنه‌وه‌ی زیاتری به‌رهه‌مهێنانی نه‌وتی خاو له‌ ئه‌مریكا به‌ به‌راورد له‌گه‌ڵ چاوه‌ڕوانییه‌كان، بووه‌ هۆی زیادبوونی داواكاری له‌سه‌ر نه‌وت و به‌رزبوونه‌وه‌ی نرخی نه‌وت. به‌ڵام دوای ئه‌وه‌ی سه‌رۆكی ئه‌مریكا، دۆناڵد تره‌مپ رایگه‌یاند كه‌ كۆبوونه‌وه‌ بازرگانییه‌‌ پلان بۆ داندراوه‌كانیان له‌گه‌ڵ چین دوا ده‌خه‌ن، ترسی له‌ بازاڕه‌كاندا دروست كردووه‌. به‌رده‌وامیی گرژییه‌كانی نێوان ئه‌مریكا و چین كه‌ خاوه‌ن گه‌شه‌كردووترین ئابووری و گه‌وره‌ترین به‌كارهێنه‌ری نه‌وتن له‌ سه‌ر ئاستی جیهان مه‌ترسیی ئه‌وه‌ی زیاد كردووه‌ كه‌ داواكاری له‌سه‌ر نه‌وت كه‌م ببێت و كاریگه‌ری نه‌رێنیی بكاته‌ سه‌ر نرخی نه‌وت.

هه‌روه‌ها ته‌شه‌نه‌سه‌ندنی زیاتری ڤایرۆسی كۆرۆنای نوێ له‌سه‌ر ئاستی جیهان به‌رده‌وامه‌ له‌و كاریگه‌رییه‌ نه‌رێنییه‌ی كردوویه‌تییه‌ سه‌ر ئابووری جیهان و كه‌مبوونه‌وه‌ی نرخی نه‌وتی خاو.

ئاماژه‌ به‌وه‌ ده‌كرێت كه‌ ره‌نگه‌ لەڕووی تەکنیکییەوە خاوی برێنت لەنێوان ٤٥ دۆلار و ١٤ سه‌نت بۆ ٤٥ دۆلار و ٢١ سه‌نت بەرهەڵستی بنوێنێت و، نرخه‌كه‌ی له‌نێوان ٤٤ دۆلار و ٩٧ سه‌نت بۆ ٤٤ دۆلار و ٩٠ سه‌نت بمێنێته‌وه‌.