سەرکۆمار ئەردۆغان لە ڕێوڕەسمێکی فەڕمییدا لە قاهیرە پێشوازیی لێکرا

قاهیرە - AA

سەرکۆماری تورکیا، ڕەجەب تەیب ئەردۆغان کە بە سەردانێکی فەڕمی لە قاهیرەی پایتەختی میسرە، لە ڕێوڕەسمێکی فەڕمییدا لەلایەن سەرکۆماری وڵاتەکە، عەبدولفەتاح سیسی-ەوە پێشوازیی لێکرا.

لە کاتی گەیشتنی سەرکۆمار ئەردۆغان بۆ بەردەم کۆشکی ئیتیحادییە، لەلایەن سیسی-یەوە پێشوازیی لێکرا.

پاش ئەوەی سەرکۆمار ئەردۆغان و سیسی چوونە شوێنی خۆیان لە ڕێوڕەسمەکە، چەند تۆپێک تەقێندران و سروودی نیشتمانیی هەردوو وڵات لێدرا.

پاشان سەرکۆمار ئەردۆغان و سیسی تەوقەیان کرد و وێنەیان گرت.

دوای ناساندنی شاندەکانی هەردوولا، سەرکۆمار ئەردۆغان و سیسی دەستیان بە کۆبوونەوەیەکی دووقۆڵی کرد.

بڕیارە پاش کۆبوونەوە دووقۆڵییەکان و نێوان شاندەکان، سەرکۆمار ئەردۆغان و سیسی بەشداری لە ڕێوڕەسمی واژوو کردنی چەند ڕێککەوتننامەیەکدا بکەن و، پاشانیش بۆ ڕۆژنامەنووسان بدوێن.