شازادەی جێنشینی بەریتانیا سەردانی مزگەوتی نوری کرد

لەندەن - AA

شازادە ویلیەم، شازادەی جێنشینی بەریتانیا سەردانی مزگەوتی نوری شاری کریستچارچ-ی نیوزلاندی کرد کە ماوەیەک لەمەوبەر کرایە ئامانجی هێرشێکی تیرۆریستی.

کەناڵی بی بی سی بڵاوی کردۆتەوە شازادە ویلیەم بەسەردانێکی دوو رۆژە گەیشتۆتە نیوزلاند و لەوێ سەردانی مزگەوتی نوری کردووە و هێرشە تیرۆریستیەکەی بە "کردەوەیەکی نەفرەتیی بێ هاوتا" ناو هێناوە.

شازادە ویلیەم ئاماژەی بەوەداوە کە بۆ ئەوەی نیشانی بدات کە تیرۆریستە راستڕەوە توندەکە نەگەیشتووە بە ئامانجی خۆی، سەردانی مزگەوتەکەی کردووە و بەخۆشحاڵییەوە باسی لە کاردانەوەی خەڵکی نیوزلاند کرد دژ بە کردەوە تیرۆریستیەکە و گوتی، "پێکەوە رێک وەستان. بەکاردانەوەتان دژ بەو تراژیدیایە، کارێکتان کرد مایەی رێزە".