شیکاگۆ.. خۆپێشاندان لە دژی سیاسەتەکانی ترەمپ

بە هەزاران هاووڵاتی لە شیکاگۆ ئیدانەی سیاسەتەکانی سەرۆکی ئەمریکا، دۆناڵد ترەمپیان کرد لەبارەی کۆچبەرەوە.

خۆپێشاندانەکان لە زۆربەی شار و شارۆچکەکانی ئەمریکا لە دژی ترەمپ درێژەی هەیە.

بڕیارە لە سەرتاسەری وڵاتەکە لەژێر ناوی "یەک رۆژ بەبێ کۆچبەر" خۆپێشاندان سازبکرێت ولەم چوارچێوەیەشدا لە شاری شیکاگۆ بە هەزاران هاووڵاتی رژانە سەر شەقامەکان و خۆپیشاندانیان ئەنجامدا.

خۆپێشاندەران کە زۆربەیان هاووڵاتی مەکسیکی بوون لە یونیان پارک لە شارەکە کۆبوونەوە.

خۆپیشاندەران دروشمی "نامانەوێت بگەڕێینەوە دواوە"، " واز لە بەشکردنی خێزانەکان بهێنن"، " نەخێر بۆ قەدەغەکردنی هاتن بۆ ئەمریکا"یان بەرزکردبووەوە و هوتافیان لە دژی ترەمپ دەکێشا.