پێشوازی چاوشئۆغڵو لە سەرۆکوەزیرانی ھەرێمی کوردستان

هەولێر - AA

سەرۆکوەزیرانی هەرێمی کوردستان مەسرور بارزانی گەیشتە ئەنقەرە و لەمیوانخانەی وەزارەتی دەرەوەی تورکیاوە لە لایەن وەزیری دەرەوە مەولود چاوشئۆغڵو پێشوازی لێکرا.

بەپێی زانیارییەکان، دوای کۆبوونەوەی نێوان سەرۆکوەزیرانی هەرێمی کوردستان، مەسرور بارزانی و وەزیری دەرەوە، مەولود چاوشئۆغڵو، بڕیارە لە کۆنگرەیەکی رۆژنامەوانییدا قسە بۆ میدیاکاران بکەن.

لە درێژەی سەردانەکەیدا بۆ تورکیا، سەرۆکوەزیرانی هەرێمی کوردستان، مەسرور بارزانی بڕیارە کاتژمیر 17:00 لە لایەن سەرکۆماری تورکیا، رەجەب تەیب ئەردۆغان پێشوازی لێبکرێت.

شاندی سەرۆکوەزیران لە هەریەکە لە وەزیری ناوخۆ، رێبەر ئەحمەد و بەرپرسی فەرمانگەی پەیوەندییەکانی دەرەوەی حکوومەتی هەرێمی کوردستان پێکهاتووە.

سەرچاوەیەکی ئاگادار لە ئەنجوومەنی وەزیرانی حکوومەتی هەرێمی کوردستان بە ئاژانسی ئانادۆڵوی راگەیاند، لەو سەردانەدا گفتوگۆ دەربارەی پەیوەندییەکانی هەرێمی کوردستان و تورکیا و رۆڵی گرنگی هەرێمی کوردستان لە سەقامگیریی ناوچەکەدا دەکرێت.