ئیسلاماباد - AA
کاربەدەستانی ئاسایش لە پاکستان رایانگەیاند: لە ئاکامی ھێرشێکی خۆکوژیی لە ناو تەلاری دادگای ئیسلامئابادی پایتەخت، ١١کەس کوژران.
ئەسکەندەر حەیات، بەرێوەبەری گشتیی ئاسایشی ئیسلاماباد روونیکردەوە، گروپێک چەکدار، بەدەم تەقەکردنەوە چوونەتە ناو تەلاری دادگا و دواتر دوو لە هێرشبەران لە ژوورەوە خۆیان تەقاندۆتەوە.
حەیات گوتی: یەکێ لە ھێرشبەران لە بەردەم ژووری پارێزەران و ئەوی دیکەی لە بەردەم ژووری دادوەران خۆیان تەقاندۆتەوە.
بە گشتی١١ کەس کوژراون و ٢٤ ی دیکە بریندار بوون.
تائێستا ھیچ کەس و لایەنێک بەرپرسیارێتی ھێرشەکەی لە ئەستۆ نەگرتووە.
