فیگۆ: "رۆناڵدۆ ئه‌وه‌ نییه‌ ده‌ستبه‌رداری نه‌بین"

ئیستانبوڵ - AA

لویس فیگۆی ته‌مه‌ن 44 ساڵ، كه‌ له‌ یاری تۆپی پێدا له‌گه‌ڵ یانه‌كانی سپۆرتین لیزبۆن، به‌رشه‌لۆنه‌، ریاڵ مه‌درید و ئینته‌ر میلاندا له‌ ئاستی نه‌ته‌وه‌یی و نێوده‌وڵه‌تیدا به‌شداری له‌ زۆر پاڵه‌وانێتیدا كردووه‌، سه‌باره‌ت به‌ كریستیانۆ رۆناڵدۆ بۆ راگه‌یاندنی پرتوگال دوا كه‌ له‌لایەن داواكاری گشتیی مه‌دریده‌وه‌ تۆمه‌تبار كراوه‌ به‌وه‌ی له‌ ساڵانی نێوان 2011-2014 خۆی له‌ باجی 14.75 ملیۆن یۆرۆ دزیوه‌ته‌وه‌.

فیگۆ باسی له‌وه‌ كرد كه‌ یانه‌كان ناتوانن به‌ ته‌نیا به‌ یه‌ك یاریزانه‌وه‌ په‌یوه‌ست بن و، گوتی: "ناوی یانه‌كانی وه‌ك ریاڵ مه‌دردید، له‌ هه‌مووان گه‌وره‌تره‌ به‌ سه‌رۆكه‌كه‌شه‌وه‌. نه‌ك ته‌نیا رۆناڵدۆ، به‌ڵكو پێموایه‌ هیچ كه‌سێك ئه‌وه‌ نییه‌ ده‌ستبه‌رداری نه‌بین".