خۆپیشاندانی لایەنگرانی حەشدی شەعبی لە کەرکووک

ھەولێر ــ AA

ژمارەیەک لە لایەنگرانی حەشدی شەعبی دژبە گەڕانەوەی پارتی دیموکراتی کوردستان بۆ شاری کەرکووک، خۆپیشاندانیان ئەنجامدا و رێگای کەرکووک-ھەولێریان داخست.

میدیاکانی خۆجێیی بڵاویانکردەوە کە ژمارەیەک لە لایەنگرانی حەشدی شەعبی لە بەردەم بارەگای پێشووی ئەنجوومەنی سەرکردایەتیی پارتی دیموکراتی کوردستان لە شاری کەرکووک خۆپیشاندانیان ئەنجامداوە و داوا دەکەن بارەگەکە رادەستی پارتی دیموکراتی کوردستان نەکرێتەوە.

ئاماژەیان بەوەیشداوە کە لایەنگرانی حەشدی شەعبی لە میانی خۆپیشاندانەکەدا، رێگای نێوان شاری کەرکووک-ھەولێریان داخستووە.

بارەگای پێشووی ئەنجوومەنی سەرکردایەتیی پارتی دیموکراتی کوردستان کە دەکەوێتە دەروازەی شاری کەرکووک، لەئێستادا بارەگای فەرماندەیی ئۆپەراسیۆنە ھاوبەشەکانی عێراقە.