ھەرێمی کوردستان.. ٥٢٣ کەسی دیکە تووشی ڤایرۆسی کۆرۆنا بوون

ھەولێر - AA

وەزارەتی تەندروستیی ھەرێمی کوردستان رایگەیاند، لە ٢٤ کاتژمێری رابردوودا، چوار ھەزار و ٢٠٨ پشکنینی ڤایرۆسی کۆرۆنای نوێ (COVID-١٩) لەسەر ئاستی ھەرێمی کوردستان ئەنجامدراوە، دەرەنجام ٥٢٣ تووشبووی نوێ بە ڤایرۆسەکە و ١١ حاڵەتی گیانلەدەستدان تۆمارکراوە، بەمەش کۆی گشتی تووشبووان بە ڤایرۆسەکە گەیشتە ٢٤ ھەزار و ٢٧١ و گیانلەدەستدانیش بەھۆی ڤایرۆسەکەوە گەیشتە ٨٨٦ کەس.

وەزارەتی تەندروستیی ھەرێمی کوردستان لە راگەیەنراوێکدا ئاماری ٢٤ کاتژمێری رابردووی وەزارەتەکەی لەبارەی بەرەنگاربوونەوەی ڤایرۆسی کۆرۆنای نوێ (COVID-١٩)ی بڵاوکردەوە.

بەپێی راگەیەنراوەکە، لە ٢٤ کاتژمێری رابردوودا، چوار ھەزار و ٢٠٨ پشکنین لەسەر ئاستی ھەرێمی کوردستان ئەنجامدراوە کە ھەزار و ٢٣٠ لە ھەولێر، ٥٢٥ لە سلێمانی، دوو ھەزار و ٣٨٠ لە دھۆک و، ٧٤ ‌لە گەرمیان، دەرەنجام ٥٣٢ تووشبووی نوێ بە ڤایرۆسەکە و ١١ حاڵەتی گیانلەدەستدان تۆمارکراوە.


لە راگەیەنراوەکەی وەزارەتی تەندروستیی ھەرێمی کوردستاندا کە کۆپییەکی گەیشتووەتە ئاژانسی ئانادۆڵو، ئاماری تووشبووان و گیانلەدەستدان لە ٢٤ کاتژمێری رابردوودا بەم شێوەیەی خوارەوە تۆمارکراوە:

- پارێزگای ھەولێر، ٢١٤ تووشبوو و ھەشت حاڵەتی گیانلەدەستدان

- شاری سلێمانی، ١٠٣ تووشبوو

- ئیدارەی گەرمیان، ١٤ تووشبوو، یەک حاڵەتی گیانلەدەستدان

- پارێزگای دھۆک، ٢٠١ تووشبوو، دوو حاڵەتی گیانلەدەستدان


ئاماژە بەوەشدراوە کە لە ٢٤ کاتژمێری رابردوودا، ٣٧٨ نەخۆش دوای چارەسەری پزیشکی چاکبوونەوەتەوە کە ٢٥٢ لە ھەولێر، ٢٤ لە سلێمانی، ١٢ ئیدارەی گەرمیان و، ٨١ لە دھۆک بووە.


وەزارەتی تەندروستیی ھەرێمی کوردستان ئاماژەی بەوەشکردووە کە لە سەرەتای سەرھەڵدانی ڤایرۆسی کۆرۆناوە تا ئێستا ٢٧٣ ھەزار و چوار پشکنین لەسەر ئاستی ھەرێمی کوردستان ئەنجامدراوە کە ١١٤ ھەزار و ٤٣ لە ھەولێر، ٨١ ھەزار و ١٥٨ لە سلێمانی، ٧٥ ھەزار و ٢٤٣ لە دھۆک و، دوو ھەزار و ٥٦٠ لە ھەڵەبجە بووە.

لە راگەیەنراوەکەی وەزارەتی تەندروستیی ھەرێمی کوردستاندا ئەوە ئاشکرا کراوە کە لە کۆی ٢١ ھەزار و ٨٠٣ ھاووڵاتیی کەرەنتینکراو، ٢١ ھەزار و ٧١٨ ھاووڵاتیی لە کەرەنتین دەرچوون و دوای تەواوکردنی ماوەی ١٤ رۆژ و ئەنجامدانی پشکنینی تاقیگەیی بۆیان و پشتڕاستکردنەوەی ئەوەی کە ھەڵگری ئەو نەخۆشییە نین، گەڕانەوەتە ناو خانەوادەکانیان.

ئاماژە بەوەشدراوە کە لە ٢٤ کاتژمێری رابردوودا، ھیچ ھاووڵاتییەکی نوێ کەرەنتین نەکراوە

بەپێی داتاکانی وەزارەتی تەندروستیی ھەرێمی کوردستان، کۆی گشتی تووشبووان بە ڤایرۆسی کۆرۆنای نوێ (COVID-١٩) لە ھەرێمی کوردستان گەیشتووەتە ٢٤ ھەزار و ٢٧١ کە نۆ ھەزار و ٩٤٢ لە ھەولێر، دە ھەزار و ٨٢٢ لە سلێمانی، دوو ھەزار و ٧٤٣ لە دھۆک و ٧٦٤ لە ھەڵەبجە بووە، لەنێویاندا ٨٨٦ حاڵەتی گیانلەدەستدان ھەبووە کە ٣١٧ لە ھەولێر، ٥٣٢ لە سلێمانی، ٢٣ لە دھۆک و ١٤ حاڵەت لە ھەڵەبجە بووە.

وەزارەتی تەندروستیی ھەرێمی کوردستان وێڕای دەستخۆشی بۆ پزیشکان و کارمەندانی تەندروستی و ھەموو تیمەکانی پزیشکی کە لە ئەرکدان، داوای لە ھاووڵاتییان کردووە پابەندبن بە رێنماییەکانی تەندروستیی و دوورکەوتنەوە لە شوێنی قەرەباڵخ و دانانی ماسک و دەستکێش، ھەروەھا لەکاتی پێویستدا پەیوەندی بە ھێڵی گەرمی ژمارە (١٢٢) بکەن.