سامسوون
ئێكەمجار مزگەفتا دارین د سالا 1206 د دەما سەلجوكییان دە ھاتیە ئاڤاكرن و مزگەفتا كو دووماھیكێ ھاتیە ئاڤاكرن ژی د سالا 1957 دە ھاتیە ئاڤاكرن و تا نوكە ل باژێرێ سامسوون ل باكورێ تورتركیه 121 مزگەفتێن كو ژ داری ھاتنە ئاڤاكرن ھەین.
ناڤێ ئێكەم میزگەفتا كو ژ داری ھاتیە چێكرن (گۆکچەلی) یە كو د سالا 1206 دە ھاتیە ئاڤاكرن دكەڤیتە ناڤچەیا (جارشامبا). ئەڤ مزگەفتە ب تایبەت بۆ نڤێژا ھێنیێ ھاتیە پێکینان و دەما چێكرنێدە ھیج بزمار نەھاتیە بكارینان.
مزگەفتا دارین یا دووماھیكێ ژی د سالا 1957 دە ل گوندێ (ئالان) ل ناڤچەیا (سالی پازاری) ھاتیە ئاڤاكرن.
ئەڤ مزگەفتێن داری كو ژمارا وان دگێھێژیتە 121 ھێشتا ژی بەرخۆ ددەن و ب تایبەت رۆژێن ھێنییێ گەلەك كەس بۆ نڤێژێ تێت ڤان مزگەفتێن دارین یێن قەدیم.
ئەڤ مزگەفتێن دارین ب نەخش و كارێ دەستی یێ ل سەر دیوارێن خۆھێشتا دپارێزیت و دەما ئاڤاكەریا خۆ ب بیر دهێنت.
خهیرەددین ئۆزتورك رێڤەبەرێ كاروبارێن ئایینی ل سامسوونێ بۆ ئاژانسا ئانادۆلویێ راگەیاند " كەڤنترین مزگەفتێن دارین ل باژێرێ سامسوونێ ھەین. ئەم دشێن بێژن كو ل ھەمو ناڤچەیێن سامسوونێ ئەڤ مزگەفت ھەین. ھندەك ژ ڤان مزفەتان بۆ كارێ ئایینێ تێت بكارینان لێ ھندەك ژ ڤان ژ بهر کو دهێن پاراستن نایێن بكارینان و ژ لایێ رێڤەبەریا پاراستنا كەلهپوورێن دیرۆكی ڤە دهێت پاراستن. مزگەفتێن كو ھەری بالكێش یێت دارین وەكو گۆکچەلی، پەكدەمیر، مزگەفتێن ل گوندێ ئۆردوو و ئامبارێیە."
ئاركەولۆگ ئەمینە یلماز ئێكەك ژ بەرپرسێ رێڤەبەریا موزەخانا باژێرێ سامسوونێ بۆ ئاژانسا ئانادۆلو راگەیاند: " ل باژێرێ سامسوونێ 121 مزگەفتێن داری ھەین و ژ وان مزگەفتێن دارین تا نوكە 112 یێت ژ وان دهێن كارینان و ئەڤ مزفەگتێن دارین، ب تایبەت بۆ نڤێژا ھێینێ ھاتنە بكارینان. ئەڤ مزگەفتێن دارین ل سەرانسەرێ ئاناتۆلیا ھەین لێ ژمارەیەك زۆر ژ ڤان مزفەگتان ل باكورێ توركیا ل ھەرێما بەحرا رەش ھەین و دیرۆكا ئاڤاكرانا وان بۆ دەمی سەلجوكییان دچیت.
