Ramal Abdullah Mahmood
04 حوزەیران 2017•نوێکردنەوە: 06 حوزەیران 2017
ئسپارتا – AA
لەگەڵ وەرزی گوڵچنیندا کە لەسەدا ٦٥ی گوڵاوی جیهان لە پارێزگای ئسپارتای تورکیا بەرهەم دەهێنرێت، گەشتیاران لە وڵاتانی رۆژهەڵاتی دوورەوە وەک کۆریای باشوور، چین، ژاپۆن و تایوان دێن و روودەکەنە ئەو پارێزگایەی تورکیا.
وەرزی گوڵچنین لە ئسپارتا جگە لەوەی بە هۆی بەرهەمهێنانی گوڵاوەوە دەبێتە داهاتێکی باش بۆ خەڵکی ناوچەکە، هاوکات لەو وەرزەدا گەشتیارانی ناوخۆیی و بیانی بەچڕی روو لەو ناوچەیە دەکەن.
لە هەردوو قەزای کەچیبۆرو و گۆنەن لە کاتی گوڵچنین و بەرهەمهێنانی گوڵاودا، ژمارەیەکی زۆری گەشتیاران شانبەشانی جووتیاران دەچنە ناو گوڵزارەکان و دەیانەوێت بە چاوی خۆیان ئەنجامدانی ئەو کارانە ببینن و چێژی لێوەردەگرن.
ناحیەی گونەیکەنت زۆرترین گوڵزاری لێیە و زۆرترین گوڵ و گوڵاوی لێ بەرهەم دەهێنرێت، بەیانیان زوو گەشتیاران لەگەڵ جووتیاران لەناو جریوە جریوی باڵندەکان و بۆنی خۆشی گوڵاندا گوڵ دەچنن.
دوای گوڵچنین بە رێگا باوەکانی ناوچەکە گوڵاو لە گوڵەکان دەردەهێنن لە بەرچاو گەشتیاران.
