هونەرمەند سەعید گاباری کۆچی دوایی کرد

هەولێر - AA

بەرەبەیانی ئەمڕۆ، هونەرمەندی گۆرانیبێژی کورد، سەعید گاباری لە تەمەنی ٦٤ ساڵیدا، بەهۆی نەخۆشی شێرپەنجە لە نەخۆشخانەیەکی شاری هەولێر کۆچی دوایی کرد.

سەعید گاباری یەکێکە لە گۆرانیبێژە بەناوبانگەکانی کورد و سەرەڕای نابینایی، بەڵام بە لێدانی ساز و گوتنەوەی گۆرانییە شۆرشگێریی و ئەڤیندارییەکان، لایەنگرێکی زۆری هەبوو.

سەعید گاباری کوردی سووریایە و هەشت منداڵی هەیە و ماوەیەکی زۆریش لە ئەڵمانیا ژیاوە.

چەند رۆژێک بەرلە ئێستاش هەواڵی کۆچی دوایی گاباری بڵاوکرابوویەوە، بەڵام کەسوکاری رەتیان کردبووەوە و رایانگەیاندبوو کە رەوشی تەندروستیی ناجێگیرە.