Граѓаните во Кочани запалија свеќи во чест на настраданите во трагичниот пожар

КОЧАНИ (АА) – Граѓаните во Кочани запалија свеќи и положија цвеќиња во чест на жртвите од пожарот што избувна во ноќен клуб, во кој загинаа 59 лица, јавува Анадолу.

По пожарот што избувна во неделата во 03:00 часот, во кој исто така беа повредени 155 лица, граѓаните запалија свеќи и положија цвеќиња во паркот во центарот на градот.

Граѓаните се потпишаа и во спомен-книгата поставена во паркот, во која имаше и фотографии од жртвите кои ги загубија животите во пожарот.

Пожарот во Кочани е предизвикан од пиротехнички средства запалени за време на забавата, додека 22 лица од повредените се во тешка состојба.

Девет повредени се префрлени на лекување во Истанбул и Анкара со амбулантни авиони испратени од Туркије.

По инцидентот, Владата на Северна Македонија прогласи седумдневна национална жалост.

Во меѓувреме, градоначалникот на Кочани, Љупчо Папазов, поднесе оставка.