Дрон пронајден на плажа во североисточна Бугарија

Дрон беше пронајден денес на плажа во близина на светилникот Шабла, во североисточна Бугарија, објави Бугарската новинска агенција (БТА), пренесува Анадолу.

Беспилотното летало, со димензии од 3 на 4 метри, било пронајдено на околу 800 метри од светилникот, според агенцијата.

Регионалната дирекција на бугарското Министерство за внатрешни работи во Добрич соопшти дека полициски службеници го обезбедиле подрачјето по откривањето на дронот.

Се очекува на местото да пристигнат припадници на војската за да го истражат дронот и да ги утврдат неговото потекло и состојба, објави БТА.

Дронот го забележало лице кое се движело по плажата во близина на воениот полигон Шабла и ги известило надлежните органи.