Abdula Berisha
05 Јуни 2019•Ажурирај: 06 Јуни 2019
СКОПЈЕ (АА) – Во Центарот за поддршка на обуката „Криволак“ се одржа свеченото отворање на вежбата „Одлучен удap“, која е најголемата воена вежба досега одржана во Северна Македонија, јавува Anadolu Agency (AA).
Во оваа вежба учествуваат околу 2.700 војници од 6 земји. Apмијата на Македонија и Армијата на Соединетите Американски Држави (САД) ќе учествуваат со по околу 1.300 вojници, Црна Гора со 75, Албанија и Бугарија со по 25 и Литванија со 10 војници.
На свеченото отварање, свои обраќања имаа заменик-министерот за одбpaна на Северна Македонија, Беким Максути, и в. д. амбасадорката на САД, Микаела Швајцер-Блум. На церемонијата беа присутни и заменик-министерот за одбpaна на Литванија, Витаутас Умбрасас, како и амбасадорите и претставниците на одбpaнбено-дипломатскиот кор од земјите кои учествуваат во вежбата.
Заменик-министерот Максути во својот говор рече дека вежбата „Одлучен удap“ се реализира во вистинско време, кога Северна Македонија се зачленува во НАТО.
„Северна Македонија оваа 2019 година станува полноправна членка на Алијансата и затоа, за нас можноста да ја развиваме интероператибилноста која е клучна за функционирањето на Алијансата има големо значање“, рече Максути, додавајќи дека организирањето на оваа вежба докажува дека Северна Македонија е спремна и има капацитети за да стане член на НАТО.
В. д. амбасадорката на САД, Микаела Швајцер-Блум, во својот говор им се заблагодари на институциите за пречекот на американските војници кои престојуваат во Северна Македонија, меѓу кои се и војниците од Националната гарда на Пенсилванија.
„Мултилатералните вежби како „Одлучен удар“ играат важна улога во зајакнувањето на нашата заедничка безбедност. Тие овозможуваат нашите армии да можат да комуницираат и да изведуваат заеднички операции. Тие, исто така, ги поврзуваат нашите војници, градејќи меѓусебно разбирање и лични врски што траат и сите нас нè прават посилни“, рече Швајцер-Блум.
Воената вежба „Одлучен удар“ ќе трае до 9 јули. Предвидено е преку оваа вежба армиите да работат на синхронизација на расположливите сили и капацитети.
