Косово: Владата издвои 1.1 милион евра помош за компанијата „Трепча"

ПРИШТИНА

Премиерот на Косово Авдулах Хоти соопшти дека Владата на Косово денес изводи 1.1 милиони евра за помош на компанијата Трепча која е во многу тешка ситуација, пренесува Агенција Анадолија (АА).

Хоти на прес-конференцијата рече дека ситуацијата е тешка делумно поради глобалната пандемија и неможноста на Трепча да ги продава своите производи на светските пазари поради цените на акциите, а делумно и поради неефикасно управување со оваа компанија.

„Од година во година ја субвенционираме оваа компанија во контекст на капиталните инвестиции во значителен износ од околу седум милиони евра, но и покрај тоа, во оваа ситуација, во која е сега „Трепча", моравме заедно да направиме привремено решение со Управниот одбор на „Трепча" за да ја надминат ситуацијата и да овозможат понатамошно работење на оваа компанија", рече Хоти, соопштено е од Владата на Косово.

Хоти нагласи и дека верува оти оваа помош од 1.1 милион евра која Владата ја пружа со парите на даночните обврзници, за рударите и компанијата „Трепча" ќе овозможи кризата да се надмине.

Рударите од рудникот „Стари Трг" во Митровица протестираа во средата поради ота што платите за октомври не се исплатени, а како што тогаш е соопштено од менаџментот, оваа компанија остана без средства.