Комерцијалните летови во ЕУ надминаа два милиона од јуни до август 


Бројот на комерцијални летови во Европската Унија надмина два милиона во периодот од јуни до август 2026 година, при што во јули е забележан најголем обем од 709.931 лет, што претставува зголемување од 2,8 отсто на годишно ниво, покажаа официјалните податоци денес, јавува Анадолу.

Во август биле регистрирани 708.980 лета, што претставува зголемување од 2,3 отсто во споредба со истиот месец минатата година, соопшти Евростат.

Во јуни воздушниот сообраќај достигнал 662.480 лета, што е раст од 2,1 отсто во споредба со истиот месец минатата година.

Бројот на комерцијални летови во август се зголемил во 19 земји од ЕУ, а осум земји членки забележале пад во споредба со истиот месец минатата година.

Словачка го забележува најголемиот годишен раст во август, од 37 отсто, по што следуваат Малта со 12,4 отсто и Естонија со 8,3 отсто.

Од друга страна, Австрија забележува најголем пад од 4,7 отсто, Кипар од 3 отсто, а Германија намалување од 2,4 отсто.