Европејците со потрошено цело богатство на играчки

БРИСЕЛ (АА) - Земјите членки на Европската Унија (ЕУ) минатата година увезле играчки во вредност од 6,5 милијарди евра, јавува Анадолу.

Европскиот завод за статистика (Евростат) објави податоци за увозот на играчки од 27 земји членки за 2023 година поради наближувањето на божиќните и новогодишните празници.

Според податоците, минатата година земјите членки на ЕУ потрошиле 6,5 милијарди евра за играчки.

Увозот на играчки во ЕУ во 2023 година е намален за две милијарди евра во однос на претходната година.

Во текот на овој период, Кина е на прво место по увоз на играчки во ЕУ. Додека ЕУ купуваше играчки во вредност од 5,2 милијарди евра од Кина, уделот на Кина во увозот на играчки во ЕУ достигна 80 отсто.

Во увозот на играчки во ЕУ, по Кина следуваат Виетнам со 367 милиони евра и Велика Британија со 150 милиони евра.

Во ЕУ, Германија учествува со 18 отсто од увозот на играчки, Франција со 16 отсто и Холандија со 14 отсто.

Освен тоа, земјите на ЕУ минатата година реализирале извоз на играчки во вредност од 2,3 милијарди евра.

Минатата година 29 отсто од извозот на играчки во ЕУ го оствари Чешка, 19 отсто Германија и осум отсто Белгија.