Пад на цената на нафтата на светскиот пазар

ЊУЈОРК (АА) - Цената на нафтата на светскиот пазар денес незначително падна во однос на највисокото ниво во петокот, а шпекулантите имаа корист од ветувањата на Саудиска Арабија и Русија дека ќе ја ограничат испораката наредниот месец, јавува Анадолу.

Меѓународната референтна цена на нафтата од типот „брент“ утринава изнесуваше 86,07 долари за барел по падот на цената за 0,19 отсто.

Американската референтна вредност West Texas Intermediate (WTI) се тргуваше по цена од 82,66 долари за барел по падот на цената за 0,19 отсто.

Нафтата од типот „брент“ во петокот поскапи поради загриженоста околу понудата откако Саудиска Арабија и Русија ги објавија плановите за проширување на постојните ограничувања на производството.

Бавното темпо на економското закрепнување на Кина, како и степенот до кој Саудиска Арабија и Русија би ги намалиле производството и извозот поради намалените светски залихи на сурова нафта, сепак, го спречуваат натамошниот пад на цената на нафтата.