Цените на енергентите со остар пад по договорот за прекин на огнот меѓу САД и Иран

Цената на нафтата забележа остар пад по одлуката за прекин на огнот меѓу Иран и Соединетите Американски Држави (САД) донесена рано утрово, јавува Анадолу.

До 06:15 часот по Гринич, цената на фјучерсите на нафтата Брент се намали за околу 15 отсто, паѓајќи на 92,9 долари, а цената на американската сурова нафта од типот Западен Тексас Интермедијар (WTI) се тргуваше по цена 94,8 долари, односно со намалување од 16 отсто.

Цената на природниот гас во Европа, исто така, е намалена за околу 20 отсто, спуштајќи се на 50 долари по барел.

Цената на нафтата за греење, исто така, паднаа за 18 отсто, на 3,66 долари за галон.

По предлогот на пакистанскиот премиер Шехбаз Шариф за двонеделен прекин на огнот меѓу Иран и САД, Трамп објави дека се согласил „да ги прекине бомбардирањата и нападите врз Иран во времетраење од две недели”.

Шариф, исто така, ги покани делегациите на Иран и САД во Исламабад во петок и изјави дека Вашингтон и Техеран, заедно со нивните сојузници, се согласиле на итен прекин на огнот низ сите конфликтни зони.