Најстарата личност во светот го прослави 117. роденден во Велика Британија

Етел Кејтерам, најстарата личност во светот, денес го прослави својот 117. роденден во југозападна Англија, јавуваат медиумите, пренесува Анадолу.

Кејтерам, која живее во дом за стари лица во Сари, во југоисточна Англија, стана најстарата жива личност во април 2025 година, по смртта на Бразилката Инах Канабаро Лукас на 116-годишна возраст, јави „Би-би-си“.

Преживувајќи две светски војни, Кејтерам, која е второто најмладо од осумте деца во семејството, е една од најстарите личности што го преживеале Ковид-19, откако се заразила во 2020 година на 110-годишна возраст, според Гинисовата книга на рекорди.

Нејзините две ќерки починале пред неа, додека нејзиниот сопруг Норман, потполковник во британската Армија, починал во 1976 година.

Минатата година, Кејтерам беше посетена од кралот Чарлс по повод нејзиниот 116. роденден.