Во иранскиот град Ком со коронавирусот заразени 170 здравствени работници

ИСТАНБУЛ (АА) - Во иранскиот град Ком 40 лекари и 130 медицински сестри се заразени со новиот вид коронавирус (Ковид-19), а завршено е лекувањето на 152 од нив, пренесува Агенција Анадолија (АА).

Според веста на иранската официјална новинска агенција ИРНА, во соопштението на Универзитетот за медицински науки во Ком се вели дека 170 здравствени работници во Ком се заразени со Ковид-19.

Дваесет и пет од вкупно 40 заразени лекари се излекувани, додека лекувањето на останатите продолжува во различни болници, а еден лекар се наоѓа на интензивна нега.

Во соопштението исто така се нагласува дека со коронавирусот се заразени и 130 медицински сестри, од кои 127 се излекувани, а продолжува лекувањето на останатите медицински сестри.