Италијанскиот министер Ди Мајо се заблагодари на Турција за солидарноста против Ковид-19

АНКАРА (АА) - Министерот за надворешни работи на Турција, Мевлут Чавушоглу, оствари телефонски разговор со неговиот италијански колега, Луиџи ди Мајо, пренесува Агенција Анадолија (АА).

Според информациите од дипломатски извори, телефонскиот разговор се случил на барање на Ди Мајо.

Во разговорот Ди Мајо му се заблагодарил на Чавушоглу за поддршката и соработката што Турција ја пружила на Италија во однос на борбата со новиот тип коронавирус Ковид-19.

Италија е најмногу погодена земја од новиот тип на коронавирус во светот. Бројот на починати достигна 11.660, а над 101.000 луѓе се заразени.