Ковид-случаите на Олимписките игри во Токио пораснаа на 148

ТОКИО (АА) – Ковид-случаите кај акредитираните лица на Олимписките игри во Токио се искачија на 148, пренесува Агенција Анадолија (АА).

Организациониот комитет соопшти дека Ковид-19 е откриен кај уште 15 лица што дошле во земјата како дел од Олимписките игри Токио 2020 година.

Тројца странски спортисти кои дошле во Јапонија за Олимпијадата се наоѓаат меѓу 15-те лица што се заразиле со вирусот.

Истакнато е дека спортистите не биле сместени во олимпискиот кварт во Харуми, во крајбрежната област на Токио.

Меѓу заразените со Ковид-19 се 8 официјални службеници и 4 лица што работеле со договор на дело.

Заразените се пренесени во карантин.

Со ова, ковид-случаите кај акредитираните лица на Олимписките игри во Токио се искачија на 148.