САД: Афроамериканците и Латиноамериканците вакцинирани во помала мера отколку Американците белци

ВАШИНГТОН (АА) - Афроамериканците и Латиноамериканците се вакцинираат против новиот коронавирус во помала мера од белите Американци, покажува анализата на „Си-ен-ен“ (CNN), пренесува Агенција Анадолија (АА).

Анализата, која вклучува податоци од 14 американски сојузни држави, открива дека вакцинирањето е двојно поголемо кај белите Американци во споредба со Афроамериканците и Латиноамериканците.

Според анализата, вакцинирани се повеќе од 4 отсто од белата популација, а имунизирани се само 1,9 отсто од Афроамериканците и 1,8 отсто од Латиноамериканците.

Претходно, претседателот Џо Бајден рече дека Афроамериканците и Латиноамериканците умираат од Ковид-19 со стапка речиси трипати поголема од Американците белци.

„А тоа не се Американците белци, но тоа е само факт. И Американците го знаат тоа, особено помладите Американци“, рече Бајден на прес-конференција.

Според Центарот за контрола и превенција на болести (CDC), од средината на декември, САД дистрибуираа речиси 44,4 милиони дози вакцини, од кои 23,5 милиони дози се употребени.

Според вчерашните податоци, во земјата досега се регистрирани над 425.000 смртни случаи поврзани со вирусот и над 25,4 милиони заразени.