Бруно Марс ѕвезда на доделувањето на наградите Греми

ЊУЈОРК (АА) - На синоќешната церемонија во Њујорк беа доделени најпрестижните музички награди Греми, а ѕвезда на вечерта беше американскиот пејач Бруно Марс, кој доби вкупно шест признанија, вклучувајќи и три од четирите главни награди, јавува Anadolu Agency (AA).

Прв пат по деценија и пол, церемонијата на доделување Греми не е одржана во Лос Анџелес, туку во салата Медисон сквер гарден во Њујорк.

Албумот „24K Magic“ на Р&Б пејачот, Бруно Марс, е прогласен за најдобар албум на годината, а неговата песна „That's What I Like“ за најдобра песна на годината.

Церемонијата ја одбележа и протестот со бели рози, со кој голем број познати личности го осудија сексуалното злоупотребување во светот на шоу-бизнисот.

На настанот имаше и политички теми и прашања за статусот на младите имигранти во Америка. Познатите личности, вклучувајќи ја и Хилари Клинтон, читаа делови од бестеселерот на Мајкл Волф, „Оган и бес“ („Fire and Fury“), во кој се зборува за Белата куќа од времето на доаѓањето на американскиот претседател, Доналд Трамп.

Листа на наградените:

Албум на годината: „24K Magic“ - Бруно Марс

Видео на годината: „24K Magic“ - Бруно Марс

Песна на годината: „That's What I Like“ - Бруно Марс

Најдобар нов уметник: Алесија Кара

Најдобар соло поп-изведувач: „Shape of You“ - Ед Ширан

Најдобар поп-албум: „Divide“ - Ед Ширан

Најдобар рок-албум: „ A Deeper Understanding“ - The War On Drugs

Најдобра рок-песна: „Run“- Foo Fighters

Најдобра рок-изведба: „You Want It Darker“ - Леонард Коен

Најдобра рап-изведба: „HUMBLE“ - Кендрик Ламар

Најдобар рап-албум: „DAMN“ - Кендрик Ламар

Најдобра рап/ранг изведба: „Loyalty“ - Кендрик Ламар vs Ријана

Најдобра Р&Б изведба: „That's What I Like“ - Бруно Марс

Најдобра Р&Б песна: „That's What I Like“ - Бруно Марс

Најдобар Р&Б албум: „24K Magic“ - Бруно Марс

Најдобра кантри-песна: „Broken Halos“ - Мајк Хендерсон vs Крис Степлтон

Најдобар кантри-албум: „From A Room: Volume 1“ - Крис Степлтон

Најдобра метал-изведба: „Sultan’s Curse“- Mastodon

Најдобар албум на алтернативна музика: „Sleep Well Beast“- The National

Најдобрo видео со танц: „Tonite“- LCD Soundsystem

Најдобар електронски албум: „3-D The Catalogue“- Kraftwerk