Наставничка од Турција во Северна Македонија открила методи за рачно изработување на хартија

ЕДРЕНЕ

Наставничка по занаетчиство од северозападна Турција ги открила традиционалните методи за правење хартија за време на нејзиното патување во Северна Македонија пред четири години.

Фасцинирана од процесот, Севилај Ѓулер започнала да произведува рачно изработена хартија кога се вратила во Едрене, откако поминала доста време во истражување.

Комбинирајќи ги своите вештини во рачното изработување хартија и традиционалната османлиска уметност за украси „едирнекари“, таа ги насликува традиционалните османлиски мотиви на хартијата што ја прави.

Во разговор за Агенција Анадолија (АА) Ѓулер нагласи дека користи отпадна хартија и кора од дрво во процесот на правењето хартија.

„Иако процесот е многу тежок и макотрпен, резултатот ми носи задоволство“, рече таа.

Таа рече дека нејзините вештини и напорна работа не поминале незабележано, истакнувајќи дека добила награда за „креативност“ од Гувернерството на Едрене.

„Мојата крајна цел е отворање работилница за ширење на оваа уметност. Верувам дека споделувањето на моите вештини со другите жени ќе им помогне да заработат со продажба на нивните производи“, додаде таа.