Украдена слика од Ван Гог се враќа во холандски музеј по шест години

ИСТАНБУЛ (АА) – Сликата „Пролетна градина“ на холандскиот сликар Винсент ван Гог, која беше украдена пред шест години, е реставрирана и повторно ќе биде изложена во својата оригинална состојба во музејот „Гронингер“ во Холандија од утре, јави холандскиот јавен сервис НОС, пренесува Анадолу.

Сликата беше украдена од музејот „Сингер Ларен“ во Амстердам на 30 март 2020 година, на денот кога се одбележува роденденот на Ван Гог.

Три години подоцна, со помош на детективот за уметност Артур Бранд, делото беше пронајдено откако непознато лице го предаде во музејот „Гронингер“, кој претходно ја позајмил сликата на „Сингер Ларен“.

Крадецот, Нилс М. (59) од Барн, кој при грабежот украл уште една слика, беше осуден на осум години затвор.

По реставрацијата што траеше во текот на изминатата година, делото е вратено во својата првобитна состојба, потврди Карина Смрковски од музејот „Гронингер“ за РТВ Норд.