Шарена парада на бразилските училишта за самба во Рио де Жанеиро

РИО ДЕ ЖАНЕИРО (АА) – Училиштата за самба во Бразил се натпреваруваат на светски познатиот карневал во градот Рио де Жанеиро, јавува Анадолу.

Со своите разнобојни и креативни костими, кореографиите и умешноста во танцувањето се обидуваат да го привлечат вниманието на жирито, но и на многубројните посетители.

Карневалот, кој се одржува на познатиот Самбодром во централниот дел на Рио, е едно од најочекуваните случувања во Бразил што го следат илјадници домашни и странски туристи.