Конференција за борба против корупцијата во приватниот сектор

СКОПЈЕ (АА) – Денес во Скопје се одржа Конференција за усогласено управување и превенција на корупцијата во приватниот сектор преку твининг-проектот финансиран од Европската Унија (ЕУ) на тема „Поддршка за ефикасна превенција и борба против корупцијата”, јавува Anadolu Agency (AA).

Оваа конференција е организирана во соработка со Министерството за правда на Република Македонија, Амбасадата на Република Германија и Амбасадата на ЕУ во рамките на ИПА 10. „Поддршка за ефикасна превенција и борба против корупцијата”, претставува првата компонента на твининг проектот кој има осум компоненти.

Системот за усогласено управување претставува мост помеѓу економијата и јавниот сектор, со други зборови земјите треба да изградат правни и институционални механизми за спречување на корупцијата во приватниот сектор, но, исто така, претпријатијата треба да воспостават персонални механизми за зајакнување на нивниот личен интегритет како што е кодексот за деловно работење, корпоративното управување, подобрувањето на претприемничката култура, почитувањето и унапредувањето на конкурентноста како и каналите на појава на корупцијата и обука на вработените.

Министерот за правда на Република Македонија, Аднан Јашари, рече дека со усвојувањето на Законот за свиркачи се очекува зголемување на превентивните мерки против корупцијата.

„Во рамките на оваа конференција укажавме на напорите што ги прави Министерството за правда во врска со ова, каде што акцентот е посветен донесувањето на Законот за заштита на т.н. свиркачи, закон кој ќе се имплементира кон средината на овој месец и искрено очекуваме позитивни резултати во однос на зајакнувањето на превентивните мерки против оваа појава, корупцијата”, рече Јашари.

Тој, исто така, нагласи дека зголемувањето на ефикасноста против феноменот на корупција ќе влијае не само на стимулирањето на домашните инвестиции туку и странските.

Во меѓувреме, амбасадорот на ЕУ во Македонија, Аиво Орав, рече дека треба една сеопфатна борба против корупцијата.

„ Овој проект финансиран од ЕУ успеа да ги здружи лидерите од приватниот и јавен сектор на оваа тема. Корупцијата е едно од најголемите зла на нашето време, го попречува развојот, ја пробива демократијата и носи неправда”, рече Орав, додавајќи дека борбата против корупцијата не е лесна работа, затоа треба да се има силен фронт од страна на приватниот сектор. 0 0 1 351 2002 Anadolu Ajansi 16 4 2349 14.0 Normal 0 false false false TR JA X-NONE /* Style Definitions */ table.MsoNormalTable {mso-style-name:"Table Normal"; mso-tstyle-rowband-size:0; mso-tstyle-colband-size:0; mso-style-noshow:yes; mso-style-priority:99; mso-style-parent:""; mso-padding-alt:0cm 5.4pt 0cm 5.4pt; mso-para-margin:0cm; mso-para-margin-bottom:.0001pt; mso-pagination:widow-orphan; font-size:12.0pt; font-family:Cambria; mso-ascii-font-family:Cambria; mso-ascii-theme-font:minor-latin; mso-hansi-font-family:Cambria; mso-hansi-theme-font:minor-latin; mso-ansi-language:TR;}