Пакистан: Во експлозија во парк загинаа десет а 30 лица се ранети

ИСЛАМАБАД (АА) - Пакистанската полиција тврди дека десет лица загинале а 30 се ранети во експлозија која се случи во парк во источниот град Лахоре, пренесува Anadolu Agency (AA).

Станува збор за паркот Гулшан-е-Икбал, а според првичните информации, најверојатно се работи за самоубиствен напад.

На теренот се наоѓат голем број припадници на полицијата, екипите на итната медицинска помош и вознемирени граѓани кои во голем број го посетија паркот по повод католичкиот Велигден.

Лахоре е главен град на најголемата и најбогата пакистанска покраина Пенџаб, која воедно е и политичко седиште на пакистанскиот премиер Наваз Шариф.