Универзитетот „Карабук“ разви решение за проблемот со грицкањето нокти, со поддршка на вештачката интелигенција

Универзитетот „Карабук“ разви технологија за ставање крај на навиката за грицкање нокти, поддржана од вештачката интелигенција, известува Анадолу.

Според соопштението што го објави Универзитетот, доц. д-р Ефтал Шехирли и докторантот Абдула Алесмаил дизајнираа апликација за паметен часовник, поддржана од вештачката интелигенција, за спречување на навиката за грицкање нокти.

Системот детектира движење на раката според кое се открива грицкањето на ноктите и сопственикот на паметниот часовник звучно се предупредува, помагајќи му да се откаже од оваа навика.

Апликацијата која работи со метод на анализа во три фази, нуди висока стапка на успех со идентификување на движењето со точност од 93 %.

Д-р Шехирли изјави дека системот првично бил развиен за да го намали контактот рака - лице за време на епидемијата, но подоцна се фокусирале на спречување на навиката за грицкање нокти.

Развиената апликација има за цел да придонесе за промена на навиките преку зголемување на свесноста на корисниците и да се постигне поголема корист на пошироко ниво со нејзино пренесување на различни платформи во блиска иднина.

Студијата е објавена и како напис во меѓународно списание кое е индексирано на SCI.