Ekip
17 Август 2022•Ажурирај: 18 Август 2022
ЛОНДОН (АА) - Кандидатите за лидер на Конзервативната партија на Велика Британија, Риши Сунак и Лиз Трас, изјавија дека нема да дозволат нов референдум за независност на Шкотска доколку бидат избрани за британски премиер, јавува Агенција Анадолија (АА).
За време на дебатата одржана во Перт, Шкотска, двајцата наизменично одговараа на прашања на шкотскиот новинар, како и на публиката.
„Доколку бидам избрана за премиер, нема да дозволам уште еден референдум за независност“, рече Трас.
Таа додаде дека гласањето во 2014 година се случило еднаш во една генерација и дека наместо „да се залага за уште еден референдум“, шкотската прва министерка Никола Старџен треба да се занимава со „вистинските прашања во Шкотска“.
„Себеси се сметам за дете на синдикатот и за мене ние не сме само соседи, туку семејство. Никогаш нема да дозволам нашето семејство да биде разделено“, рече Трас.
На истото прашање Сунак одговори дека не може да замисли во какви околности ќе дозволи да се одржи нов референдум.
„Живееме во синдикат, кој, се разбира, постои со согласност и демократија, и јас го прифаќам тоа. Но едноставно не сметам дека некој мисли дека сега или кога било во блиска или далечна иднина е време да се фокусираме на тоа“, рече Сунак.
Членовите на британската владејачка Конзервативна партија во моментов гласаат за нивниот следен лидер, кој ќе биде и идниот премиер на Велика Британија.
Според интерните анкети, Трас води со тесна разлика.
Новиот лидер на Конзервативната партија, како и премиерот, ќе биде назначени на 5 септември.
