Николиќ на состанокот со Лавров: Да се биде во ЕУ не значи да се биде против Русија

БЕЛГРАД (АА) - Претседателот на Србија, Томислаб Николиќ, се сретна со министерот за надворешни работи на Руската Федерација, Сергеј Лавров, кој во Белград учествува на 22-та министерска конференција на OBCE, јавува Anadolu Agency (AA).

На почеток на состанокот, отворен за медиумите, претседателот Николиќ се заблагодари на Русија за сè што има направено за Србија како и за борбата против тероризмот.

„Во неколку наврати, без ваша помош и со спротивставување на желбите кои би донеле лоши последици по Србија, ние би имале многу проблеми и тешко би излегле од нив. Истовремено, во име на нашата мала држава се заблагодарувам на придонесот и борбата против светскиот тероризам“, рече Николиќ.

Тој додаде дека Србија ги развива и своите економски односи со Русија, можеби не толку колку политичките, но дека во иднина и тие ќе бидат со поголем интензитет.

„Во иднина сигурно ќе соработуваме со Руската Федерација поинтензивно, бидејќи со тоа сакаме да покажеме дека ние сме против воведување на санкции кон Русија а на нашите пријатели од ЕУ да им покажеме дека да се биде во ЕУ не значи да се биде против Русија“, наведе претседателот на Србија.

Тој му посака успех на Лавров и да „разговара со оние со кои моментално не се разговара во доволна мера, затоа што од тоа може да произлезе само добро“.

Сергеј Лавров му рече на Николиќ дека исклучително го цени неговиот личен придонес кон јакнењето на соработката помеѓу Србија и Русија и додаде дека Русија е подготвена да ја зголеми соработката со Србија во секоја област.

”Iskreno smo vam zahvalni na solidarnosti koju izražavate sa Ruskom Federacijom u vezi zločinačkog akta, kada je 24. novembra oboren avion koji je vršio antiterorističku misiju. Zahvalni smo vam i na čvrstom stavu prema neophodnosti regulisanja bilo kojeg problema u Evropi preko dijaloga, bez nametanja jednostranih pristupa ili primoravanja putem sankcija”, istakao je Lavrov.

„Искрено сме ви благодарни на солидарноста која ја изразувате со Руската Федерација во врска со злосторниот акт, кога на 24-ти ноември е соборен авион кој вршеше антитерористичка мисија. Благодарни сме ви на цврстиот став кон неопходноста на регулирање на било кој проблем во Европа преку дијалог, без наметнување на едностран пристап или присилување по пат на санкции“, истакна Лавров.