Поранешен руски воен командант е приведен во Москва

Поранешниот руски воен командант Игор Гиркин, кој во 2014 година служеше како командант во подрачјата под руска контрола на Донбас во Источна Украина, е приведен во Москва под обвинение за екстремизам, пренесува Анадолу.

Гиркин, кој го користи псевдонимот Стрелков на социјалните мрежи, е приведен во петокот, според неговиот адвокат Александар Молохов и неговата сопруга Мирослава Регинскаја.

Гиркин во петокот вечерта се појави во судот Мешчански во Москва, кој го испрати во притвор два месеца.

Тој е поранешен офицер на руската Федерална служба за безбедност, а по оставката отвори канал на Телеграм, кој брзо стана популарен и има речиси 900.000 следбеници.

Гиркин е познат по неговата поддршка на војната во Украина и острите критики за стратегијата што ја спроведуваат руските воени лидери.