Автобус со 60 патници падна во провалија во Перу: Најмалку 25 загинати

БОГОТА (АА) - Најмалку 25 луѓе ги загубија животите во саботата, а 35 се повредени откако автобус со 60 патници падна од карпа во провалија во Перу, известува Агенција Анадолија (АА).

Тргнувајќи од северозападната провинција Талара, автобусот паднал во провалија во дистриктот Лос Органос.

Повредените патници се префрлени во регионалните болници. Во тек се акции за пребарување и спасување.

Луѓето што се наоѓале во автобусот наводно биле вработени во приватна компанија.