Брод со 200 тони храна за жителите на Газа спремен да исплови од Јужен Кипар

ИСТАНБУЛ (АА) - Брод со хуманитарна помош со 200 тони храна од две меѓународни добротворни организации, Опен Армс со седиште во Шпанија и Светската централна кујна со седиште во САД, треба да исплови од Јужен Кипар и да се упати кон Појасот Газа, според соопштението објавено денес, јавува Анадолу.

„Ова го отвора поморскиот хуманитарен коридор кон Појасот (Газа), во многу сложена мисија за која се надеваме дека ќе биде прва од многуте што ќе ја ублажи хуманитарната вонредна состојба со која се соочува населението“, напиша Опен Армс на социјалната мрежа X.

Според Обединетите нации, израелската војна принуди 85 отсто од населението на Газа на внатрешно раселување поради уништувачката блокада и недостигот на храна, чиста вода и лекови, а 60 отсто од инфраструктурата на енклавата се оштетени или уништени.