Бројот на Палестинци осудени на доживотен затвор во израелските затвори се зголеми на 547

КУДС

Здружението на палестински затвореници соопшти дека бројот на палестински затвореници осудени на доживотни затворски казни во израелските затвори е зголемен на 547, пренесува Агенција Анадолија (АА).

Во соопштението на ова здружение се наведува дека Палестинецот Јусуф Зухур, обвинет за убиство на еврејски доселеник во 2019 година, кој се наоѓа во притвор од 2019 година, вчера Воениот суд го осуди на доживотна казна затвор.

Зухур е осуден и на парична казна од околу 483.000 долари.

Тој е третиот Палестинец кој во текот на овој месец е осуден на доживотна казна затвор.

Според податоците од Здружението на палестински затвореници, во израелските затвори се наоѓаат околу 4.550 Палестинци, од кои 500 се административни притвореници.