Генералштабoт на Украина: Непријателот продолжува со нападите претрпувајќи големи загуби

КИЕВ (АА) - Генералштабот на Украинската армија објави дека Руската армија продолжува со нападите последните 24 часа во правците на Лиман, Бахмут, Авдијивка и Новопавливка, пренесува Анадолу.

Во соопштението на Генералштабот се наведува дека руските трупи извршиле 4 ракетни напади врз градот Краматорск во Доњецката Област, од кои два погодија цивилна инфраструктура.

Во соопштението, во кое се наведува дека руските сили извршиле 5 воздушни напади, се вели: „Извршени се повеќе од 70 напади со повеќецевни ракетни системи врз цивилни објекти во регионите Херсон и Миколаев. Во непријателските напади има загинати и ранети цивили. Непријателот претрпувајќи големи загуби, продолжува да напаѓа во правците Лиман, Бахмут, Авдијивка и Новопавливка.“

- Украинските сили гранатираа области во кои се концентрирани руските војници

Во соопштението се наведува дека Украинските вооружени сили ги одбиле руските напади врз местата Стелмахивка, Невске, Билогоривка во областа Луганск, и местата Николаевка, Краснаја Гора, Парасковеевка, Бахмут, Иванивске и Курдјумовка во областа Доњецк.

Информирајќи дека во правец на Лиман, во нападите биле погодени местата Терни, Макејевка, Червонопопивка, Диброва и Торске во областа Луганск, во соопштението се додава: „Во правец на Бахмут, во нападите беа погодени и местата Спирне, Билогоривка, Парасковиивка, Веселе и Иванивске во регионот на Доњецк“.

Покрај тоа, во соопштението се посочува дека Украинските воздухопловни сили во последните 24 часа 4 пати ги погодиле областите во кои биле концентрирани руските војници и уништиле руско беспилотно летало од типот „Мерлин“.