Erbil Başay
20 Април 2021•Ажурирај: 21 Април 2021
БЕРЛИН
Германската канцеларка, Ангела Меркел, истакна дека е загрижена за здравјето на опозиционерот Алексеј Навални, кој штрајкува со глад во руски затвор со образложение дека неговото барање за медицинска помош е одбиено, пренесува Агенција Анадолија (АА).
Германската канцеларка Ангела Меркел одговараше на прашањата од пратениците на пролетната сесија на Парламентарното собрание на Советот на Европа.
Одговарајќи на прашањето за Навални, кој се наоѓа во притвор во Русија, Меркел истакна дека е важна одлуката на Европскиот суд за човекови права во врска со Навални.
„Деновиве сме многу загрижени за Алексеј Навални. Работиме со другите за да обезбедиме соодветна медицинска нега на (Навални) и сме загрижени. Се обидуваме да го покажеме нашето влијание“, рече Меркел.
Наведувајќи дека има премногу прашања што ги отежнуваат односите со Русија, Меркел рече: „Јас сепак секогаш велам дека треба да разговараме едни со други.“
Ситуацијата на украинската граница, каде што Русија носи трупи, Меркел ја опиша како „загрижувачки напната“.
На прашањето на еден украински пратеник дали „Путин е убиец?“, Меркел рече: „Темата со Владимир Путин ќе ја кажам со свои зборови. Кога има критики за него, јас не се воздржувам, му го кажувам тоа на приватните состаноци.“
- Односите со САД
Наведувајќи дека постојат можности да се дејствува заедно со САД, Меркел нагласи дека се надева дека ќе бидат во конструктивна соработка со САД за многу прашања, како што се Сирија, Либија, Мјанмар и климатските прашања.
Меркел, истакнувајќи дека се во тесна соработка со САД, особено за ревитализација на нуклеарниот договор со Иран, рече: „Многу добра вест е што го правиме тоа со САД.“
Одговарајќи на прашањето за Кипар, Меркел рече дека наскоро ќе се одржат разговори по иницијатива на Обединетите нации (ОН).
Наведувајќи дека овие преговори ќе бидат тешки, Меркел повтори дека во разговорите со претседателот на Турција, Реџеп Таип Ердоган, истакнала дека е потребен напредок во овој поглед.
