Дуда: Белорусија извршува хибриден напад на границите на Полска

ВАРШАВА (АА) - Полскиот претседател Анджеј Дуда изјави дека Белорусија извршила хибриден напад на границите на Полска, јавува Анадолу.

„Не се сомневаме дека тоа е направено во соработка со Русија“, изјави Дуда за новинарите во Варшава, по состанокот со летонскиот претседател Едгарс Ринкевичс.

Дуда рече дека на средбата се разговарало за безбедносни, економски, енергетски и инфраструктурни прашања.

Тој додаде дека најважна тема на средбата била војната меѓу Русија и Украина и заканата од хибриден напад од Белорусија на полската граница.

„Имаме проблем, а тоа е хибриден напад на полските граници од Белорусија“, рече тој.

Полскиот претседател посочи дека на средбата се разговарало и за поддршката и соработката со Украина, резултатите од последниот Самит на НАТО, како и билатералната воена соработка.