Египетскиот Парламент одобри воена поддршка за Саудиска Арабија

Претставничкиот дом на Египет денес го одобри барањето на претседателот Абдел Фатах ал-Сиси за воена помош за Саудиска Арабија, објави државниот телевизиски канал „Ал-Кахера њуз“, пренесува Анадолу.

Одобрувањето следува по разговорите зад затворени врати за овластување воена поддршка за кралството, вклучително и можно распоредување војници, во услови на ескалација на регионалните тензии.

Телевизијата не објави детали за обемот на одобрените мерки, ниту дали тие би вклучувале испраќање египетски сили во странство.

Претходно денес пратениците ги продолжија расправите на третата седница зад затворени врати, со која претседаваше претседателот на Парламентот, Хишам Бадави, по две средби одржани минатата недела на барање на Ал-Сиси.