Експлозивни боеви глави паднаа во Хаифа по нови ирански напади

Експлозивни боеви глави паднаа во неколку области на израелскиот град Хаифа по новиот ирански ракетен напад, објави рано утринава израелското воено радио, јавува Анадолу.

Експерти за деактивирање бомби се упатија кон неколку локации во Северен Израел, соопшти израелската полиција.

Голем број возила се значително оштетени, а има штети и на зградите.

Регионот е во состојба на готовност откако САД и Израел започнаа заедничка офанзива врз Иран на 28 февруари, во која досега загинаа повеќе од 1.340 луѓе, вклучително и тогашниот врховен лидер ајатолахот Али Хамнеи.