Ерменски генерал призна дека во судирите во Нагорно-Карабах биле користени проектили од типот „Искендер“

ЕРЕВАН

Генерал Мовсес Хакопјан кој поднесе оставка од Министерството за одбрана на Ерменија, соопшти дека ерменската војска за време на судирите во Нагорно Карабах користела проектили од рускиот производство од типот „Искендер“ (Iskender), на кои може да се постават нуклеарни боеви глави, јавува Агенција Анадолија (АА).

Хакопјан по неговата оставка од функцијата шеф на Службата за воени контроли при ерменското Министерство за одбрана, во Ереван даде изјава за медиумите во врска со активностите на ерменската војска во Нагорно-Карабах.

Тој се осврна на тврдењата дека ерменската војска со проектили од типот „Искендер“ ги напаѓала цивилните населени места.

„Ерменската војска за време на судирите во Нагорно-Карабах користеше проектили од типот „Искендер“, но не можам да дадам информации околу тоа каде се користени“, рече Хакопјан.

Тој упати критики во врска со тоа што Ерменија од Русија купила воени авиони од топот „Su-30M“.

„Авионите не можевме да ги користиме поради што не можевме да купиме потребни ракети. Русија ја спречи продажбата на овие ракети. Исто така, купивме бескорисни воздушно одбранбени системи“, додаде тој.

Меѓу другото, главното обвинителство на Ерменија соопшти дека ќе се започне истрага против изјавите на Хакопјан.

Од друга страна, во соопштението на главното обвинителство на Азербејџан се наведува дека во нападите на ерменската војска врз Азербејџан загинале 91 цивил, додека 404 цивили се повредени.