Изложба по повод 10-годишнината на „Istanbul Photo Awards“ е отворена во Њујорк

ЊУЈОРК (АА) - По повод 10-годишнината од „Istanbul Photo Awards“ денес во Њујорк беше отворена втората изложба на фотографии, јавува Анадолу.

Изложбата на „Istanbul Photo Awards“, меѓународен натпревар за фотографии организиран од Анадолу, се одржа во центарот „Туркеви“, а присуствуваа државници, меѓу кои и генералниот конзул на Туркије во Њујорк, Мухитин Ахмет Јазал, и пратеникот во ОН, Ахмет Јилдиз.

Претседателот и главен извршен директор на Анадолу, Сердар Караѓоз, ја истакна моќта на документирањето со фотографија, посочувајќи дека избраните дела го документираат човечкото страдање додека се создава колективната меморија.

Караѓоз објави дека годинашната награда „Фотографија на годината“ му припаднала на палестинскиот фотограф Мохамед Салем, на која се наоѓа „палестинска жена што го држи мртвото тело на својот внук“.

„Наша мисија во АА е да ги направиме овие настани видливи, исто како што направивме со претставувањето на геноцидот во Газа пред светот изминатата година. Секоја рамка што го прави овој геноцид видлив на глобално ниво и дава глас за реалноста за која се молчи е исклучително важно за нас“, рече Караѓоз.

Палестинскиот амбасадор во ОН, Ријад Мансур, изрази благодарност за делот од изложбата што го прикажува геноцидот во Палестина, особено за фотографиите поврзани со Газа.

По отворањето на изложбата Анадолу го прикажа документарниот филм „Доказот“, кој ги разоткрива воените злосторства на Израел во Газа.

На изложбата се прикажани фотографии што документираат глобални настани од минатата година, покривајќи теми од хуманитарни кризи до спортски достигнувања.

Изложбата ќе биде отворена за јавноста од 7 до 12 ноември во „Сината галерија“ на 46. улица во Менхетен.