Израел започна напади врз Иран

Израелската војска соопшти дека вечерва извршила напади врз „воени цели“ во Иран, јавува Анадолу.

Во соопштението на израелската војска се наведува дека нападите се „одговор на нападите врз Израел во последните месеци“.

Како што наведоа од израелската војска, „во тек се прецизни напади врз воени цели“.

Истакнато е дека со внимание се следат активностите на Иран и неговите сојузници, и дека се мобилизирани сите офанзивни и дефанзивни капацитети.

Експлозии во Иран и Сирија

Иранската полуодржавна новинска агенција „Фарс“ објави дека експлозии одекнале во главниот град Техеран.

Иранската новинска агенција наведува дека „пред неколку минути одекнаа експлозии во Техеран“.

Не се објавени дополнителни информации во врска со тоа.

Иранската државна телевизија ја потврди оваа информација не наведувајќи ги можните причини за експлозиите.

Истовремено, експлозии одекнаа во Сирија, во Хомс и во околината на Дамаск.