Ирак: Бројот на жртвите во пожарот во болницата во Багдат се искачи на 82

БАГДАД

Министерството за внатрешни работи на Ирак соопшти дека бројот на загинатите во пожарот кој вчера изгувна во болницата во која се лекувале пациенти заразени со коронавирусот (Ковид-19) се искачи на 82, јавува Агенција Анадолија (АА).

Пожарот е изгаснат благодарение и на десетиците цивили кои помагале во операцијата за гасење на пожарот.

Безживотните тела на загинатите и повредените лица се пренесени во околните болници.

Се тврди дека пожарот избувнал како резултат на експлодирање на кислородна боца.

Ирачкиот премиер, Мустафа ел Казими, преку писмено соопштение го осуди овој случај, нагласувајќи дека дал инструкции за истражување на причината за избивање на пожарот.

Министерството за здравство и животна средина на Ирак сè уште не даде изјава во врска со случајот, а на социјалните мрежи се изразуваат реакции за разрешување на министерот за здравство на оваа земја, Хасан Темими.