Над 10.000 израелски војници се лекувале во капацитетите за рехабилитација на Министерството за одбрана од 7 октомври

КУДС (ЕРУСАЛИМ) (АА) - Израелските официјални податоци открија дека објектите за рехабилитација на израелското Министерство за одбрана третирале 10.056 војници од почетокот на израелскиот напад врз Газа на 7 октомври, пренесува Анадолу.

Според соопштението на Министерството за одбрана, 3.700 од повредените војници биле со повреди на екстремитетите, 50 од нив со ампутации, 192 со повреди на главата, а 168 на очите.

Се додава дека 3.500, или 35 отсто од нив, страдаат од депресија, посттрауматско стресно растројство и други ментални нарушувања предизвикани од траума.

Израелскиот јавен радиодифузен сервис КАН го коментираше соопштението дека над 1.000 нови војници месечно се примаат во Одделот за рехабилитација на Министерството од воените дејства.

Израел, прекршувајќи ја резолуцијата на Советот за безбедност на Обединетите нации со која се бара итен прекин на огнот, се соочи со меѓународна осуда поради континуираната брутална офанзива врз Газа по нападот во октомври минатата година од страна на палестинската група на отпорот Хамас.

Оттогаш во тековната израелска офанзива врз Појасот Газа загинаа речиси 40.000 Палестинци.

По повеќе од 10 месеци од почетокот на израелската војна огромни делови од Газа се во урнатини, а постои и блокада за храна, чиста вода и лекови.

Израел е обвинет за геноцид пред Меѓународниот суд на правдата, кој му нареди веднаш да ја прекине воената операција во јужниот град Рафа, каде што повеќе од еден милион Палестинци побараа засолниште од војната пред да започне копнената офанзива врз градот на 6 мај.