Најмалку 37.296 Палестинци се убиени во израелската брутална офанзива на Газа од 7. октомври

АНКАРА (АА) - Најмалку 37.296 Палестинци се убиени во бруталната израелска офанзива на Појасот Газа од 7. октомври минатата година, соопшти денес Министерството за здравство на опколената палестинска енклава, пренесува Анадолу.

Во соопштението на палестинското министерство се наведува дека 85.197 лица се повредени во израелските бомбардирања и гранатирања кои траат повеќе од 8 месеци.

„Во израелските напади во последните 24 часа се убиени 30 Палестинци, а повредени се 95“, се наведува во соопштението.

Се истакнува дека голем број Палестинци сѐ уште се заробени под урнатините до кои спасувачките тимови не можат да дојдат поради постојаните напади.